ڕۆژا ئێکشەمبی ڕێـککەفتی (٢٠٢٥/٣/٩) ب سەرپەرشتیا ڕاگرێ کۆلیژا ئەندازیاری ڕێزدار (پ.هـ.د. فرست حیتو) و ب ئامادەبوونا بەرێز (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند و هژمارەک ژ مامۆستا و فەرمانبەران، کۆلیژا ئەندازیاری ب پێشکێشکرنا سمینارەکێ ڕۆژا جیهانیا ئافرەتان ساخکر.
هەژیە بێژین؛ د پەیڤەکێدا ڕاگرێ کۆلیژا ئەندازیاری پەیڤەک پێشکێشکر و تێدا بەحس ل ڕۆلێ ئافرەتێن هەرێما کوردستانێ کر ب تایبەت ئەو ئافرەتێن د بیاڤێ زانستی دا کار دکەن و دەستکەفتێن ژ هەژی بدەستڤەئینانین و پشتەڤانیا خۆ بۆ وان دیارکر. پاشان سمینارەک لژێر ناڤونیشانێ (بهێزکرنا ئافرەتێ، بهێزنا کومەلگەهی یە) ژلایێ خانم (م. دیمەن زهێر جقسی) ڤە، بۆ ئامادەبوویان هاتە پێشکێشکرن. د سمینارێ دا بەحس ل ڕۆلێ ئافرەتێ و ئەو ئاستەنگێن د کەڤنە د ڕێکا وێ دا و چارەسەریا وان هاتە کرن.